Fyrri mynd
Nsta mynd

Helgi Jónsson 

Iceland

Heimasa:

Helgi Jónsson fæddist á Landsspítalanum í Reykjavík þann 20. maí 1962 og er því rúmlega fermdur! Hann las allskyns bækur þegar hann var drengur, fyrst ævintýrabækur eins og Fimm á eyðieyju (allar Enid Blyton bækurnar), svo las hann Nonna og Manna bækurnar, Tinnabækurnar ógurlegu en Prins Valíant var í miklu uppáhaldi, þar til hann varð 12 ára. Þá breyttist heimurinn því þá byrjaði hann að lesa Íslendingasögur og skáldsögur eftir Halldór Laxness. Laxness er eftirlætis íslenski rithöfundur Helga Jónssonar. Reyndar las hann talsvert af enskum reyfurunum í þá daga, flesta eftir Alistair MacLean. Af þeim lærði hann ensku. Af útlenskum rithöfundum kann Helgi mikið að meta bækur eftir William Kennedy (ekki síst snilldarverkin Legs og Ironweed), Gabriel Garcia Marquez (Hundrað ára einsemd), Martin Amis og Roddy Doyle. „Ég ólst upp í litlum firði norður í landi, Ólafsfirði. Gekk þar í Barnaskólann og síðar Gagnfræðaskólann, hélt þaðan sextán ára gamall í Menntaskólann á Akureyri og náði að ljúka stúdentsprófi, þótt flest annað en skólabækur hafi nú verið spennandi þau árin! Þeim áfanga náði ég árið 1982. Fór svo í Háskóla Íslands og var þar í fjögur ljúf ár. Lauk BA prófi í ensku og bókmenntum árið 1986. „Ég hef verið að skrifa síðan ég man eftir mér. Skrifaði langa skáldsögu sumarið 1972 sem ég kallaði Íslandssoninn (áhrif frá Laxness!!!) en hún týndist sem betur fer. Gaf út mína fyrstu bók árið 1989. Ég ætlaði mér aldrei að verða barnabókahöfundur, en það er engu að síður mjög gaman. En vonandi stækka ég í fyllingu tímans og verð einhverntíma fullfær um að skrifa skáldsögu.“ Helgi var lausráðinn blaðamaður á Morgunblaðinu á árunum 1982-1986. Þá fluttist burt úr Reykjavík, því honum fannst borgin of stór og heldur langt frá æskustöðvunum, hann eignaðist son sem hann vildi að sæi stundum fjöll, sjó og eitthvað meira en malbik og blikkandi umferðarljós. Helgi kenndi við Gagnfræðaskólann í Ólafsfirði frá 1988 þar til hann flutti til Akureyrar. Helgi var blaðamaður DV í tíu ár, síðar fréttaritari Morgunblaðsins, en rekur nú bókaútgáfuna Tind. Árið 2005 flutti Helgi ásamt fjölskyldu sinni frá Ólafsfirði til Akureyrar en þar eru höfuðstöðvar Tinds. Helgi er kvæntur Höllu Huld Harðardóttur, hjúkrunarfræðingi og ljósmóður. Þau eiga þrjú börn, Hörð (f. 1984, en hann skrifaði bækurnar Rauðu augun og Sogblettinn ásamt föður sínum), Hafþór (f. 1989) og Höllu Maríu (f. 1997).

Bkur eftir hfund:
Bkatgfan Tindur Kt. 450913-0810 Lerkilundur 32 600 Akureyri
Smi: 777 2777 Email: tindur@tindur.is helgihjojonsson@gmail.com